මොසාට් සංගීතය

සංගීතයට පුදුමාකරා බලයක් තියෙනවා. අද රටේ වැහි වැහැලා තියෙන සංගීත සුපිරි තරු තේරීමට මෙතරම් පොර කන හා ඔවුන්ගේ අයිතිය තමන්ගේ කරගන්න දගලන නාලිකා වලින් එය හොඳින් පැහැදිලි වෙනවා.

මම කියන්න යන්නේ ඒ ගැන නෙවෙයි. සංගීතයේ ඒ පුදුමාකාර බලයෙන් අපේ ශරීරය සහ මනස සුවපත් කරන්න පුළුවන්. එකට වෛද්‍ය විද්‍යාවේ කියන්නේ මියුසික් තෙරපි කියලා. අපේ රටේ මෙය එතරම් ප්‍රචලිත නැති උනාට බටහිර රටවල් වල මෙය බහුලව භාවිතා කරනවා.

වොල්ෆ්ගන්ග් අමඩියස් මොසාර්ට් උපත ලැබුවේ මීට වසර 250 කට පෙරය. එනම් 1756 ජනවාරි 27 වන දිනය. ඔහු මයිකල් ජැක්සන් රොබී විලියම්ස් වගේ පුදුමාකරා හැකියාවක් ඇති කෙනෙක් උනා. ඔහු විශ්මිත අන්දමේ සංගීත ඛණ්ඩ නිර්මාණය කළා. ඒවා මිනිසුන්ගේ ජීවිතයට කෙලින්ම බලපෑම ඇති කිරීමට සමත් උනා.



අපස්මාරය, පක්ෂගාතය වැනි රෝගී තත්වයන්ගෙන් පෙළෙන ඇතැම් රෝගින්ගේ අධික රෝගී තත්වය හා දරුණුකම අඩුකළ හැකි තත්වයක් මොසාර්ට්ගේ ඇතැම් සංගීත ඛණ්ඩයන් තුළ හඳුනාගත හැකි බව චිකාගෝ නුවර ස්නායු ශෛල්‍ය වෛද්‍යවරයකු විසින් පෙන්වා දුන් අතර මතක ශක්තිය හීන වීමේ රෝගී තත්වයෙන් පෙළෙන ඇතැම් මිනිසුන්ගේ මානසික පරීක්ෂණ විනාඩි 10 ක් පුරා මොසාර්ට් සංගීතයට ඇහුම්කන් දීමට සැලැස්වීමෙන් අනතුරුව වඩාත් හොඳින් සිදුකර ගැනීමට හැකිවන බව කැලිෆෝනියාවේ අයර්වයින්හි පර්යේෂකයෝ පිරිසක් සොයා ගනු ලැබූහ.

තවත් කෙටි කතා ප‍්‍රවෘත්ති මඟින් ඉහත තත්වයන් තවදුරටත් සනාථ කිරීමේ හැකියාව පවතියි. ප‍්‍රංශ ජාතික රංගන ශිල්පියෙකු වන ගෙරාඩ් දෙපදියු ප‍්‍රකාශ කරන්නේ ඔහුගේ ළමා අවධියේ දී හඳුනා ගත හැකි වූ ගොතය සුවපත් කිරීම සඳහා මොසාර්ට් සංගීතය පිහිට වූ බවයි. සියලු ආකාරයේ ළමා විකෘතිතා වලට මෙන්ම පීඩනය මුල්කොට ගෙන පවත්නා වැඩිහිටියන්ගේ රෝගාබාධ තත්වය සඳහා ප‍්‍රතිකාර ලෙස මොසාර්ට් සංගීතය භාවිතා කළ පුරෝගාමියා වූයේ ඇල්ෆරඩ් තෝමැටිස් නම් වූ ප‍්‍රංශ වෛද්‍යවරයෙකි.



තවද ලන්ඩන් නුවර තදාසන්නයේ ඇති රිච්මන්ඩ් හි පදිංචිකරුවකු වන ජැකී හින්ඩ්ලේ තම සය වියැති පුත් ලෝරන්ස්ට පිහිට වීම සම්බන්ධයෙන් මොසාර්ට් සංගීතය ප‍්‍රශංසනීය ව අගය කරන්නීය. හින්ඩ්ලේ පවසන පරිදි තම පුත් ලෝරන්ස් විශේෂයෙන් ම භාෂා දුෂ්කරතාවය ද සමඟින් අධි කි‍්‍රයාකාරිත්වයෙන් පෙළෙන්නට වූ එහෙත් මන්දගාමී වර්ධනයක් පෙන්නුම් කළ දරුවෙකි. යමෙක් ඔහුගෙන් ප‍්‍රශ්නයක් නැගූ පසු පෙරළා ඔහුට පිළිතුරු ලබාදීම සඳහා පැය භාගයක පමණ නිහඬතාවයක් තම පුතු ගන්නා බව ඇය පවසයි. එහෙත් මොසාර්ට් සංගීතයට කිහිප වාරයක්ම ඇහුම්කන් දීමෙන් අනතුරුව ඔහු වෙත ප‍්‍රකාශ කෙරෙන කුමන දෙයකට වුවද වහා පෙරළා ප‍්‍රතිචාර දැක්වීමේ සකි‍්‍රයතාවයෙන් යුත් ඉතා කි‍්‍රයාශීලි කථිකයෙකු බවට දැන් ඔහු පත් වී ඇති බව පවසන හින්ඩ්ලේ මෙය ඉදිරියේදි වඩාත් ප‍්‍රබලව සකි‍්‍රය වේ යැයි විශ්වාසය පළ කරයි.

මේ අතර ෆරාන්සස් රොෂර් විසින් මෙම සංගීත ඛණ්ඩ යොදා මීයන් යොදා කල පරීෂනයකදී, මීයන් අතරමන් කොට තම වාසස්තානය ඉක්මනින්ම සොයා එන මීයන් වූයේ මොසාට් සංගීතය ඇසීමට සැලැස්වූ මීයන් උනා.


පහතින් තියෙන ලින්ක් වලින් ඔබටත් මොසාට් සංගීතයට සවන් දෙන්න පුළුවන්.


http://www.youtube.com/watch?v=OfFJ0VWwOHg&NR=1

http://www.youtube.com/watch?v=caVr-VdeDvw&feature=related

http://www.youtube.com/watch?v=RRjY0_NktUU

මීට අමතරව තව සංගීත ඛණ්ඩ මෙහි තියෙනවා....